أفضل أنواع الذهب للاستثمار في العراق سنة 2025
أفضل أنواع الذهب للاستثمار في العراق سنة 2025
الاستثمار في الذهب دايما كان واحد من الطرق الآمنة للحفاظ على قيمة الفلوس، خاصة في دول زي العراق، اللي بتحصل فيها تقلبات سياسية واقتصادية كل فترة, ومع بداية سنة 2025، ناس كتير بدأت تفكر: إيه أفضل نوع ذهب ممكن أشتريه للاستثمار؟ وهل في فرق بين الذهب العراقي والتركي والخليجي؟ وهل أشتري سبائك ولا ليرات؟
في المقال ده هنعرف مع بعض أنواع الذهب المناسبة للاستثمار في العراق، وازاي تختار الأفضل حسب وضعك المالي والسوق.
ليه الناس بتستثمر في الذهب؟
الذهب له قيمة ثابتة على مر السنين. بيحتفظ بقيمته حتى لما العملة المحلية تضعف أو الأسعار تزيد, تقدر تشتريه، تحتفظ بيه، ولما تحتاج تبيعه في أي وقت.
في العراق، الناس بتلجأ للذهب بسبب:
ضعف الدينار العراقي أحيانًا قدام الدولار
الأزمات السياسية والاقتصادية
سهولة تخزين الذهب ونقله
توفر السوق وسهولة البيع
لكن علشان تستثمر صح، لازم تختار النوع المناسب، وتفهم كل نوع وإيه ميزته وعيوبه.
أولا: أنواع الذهب اللي بتتباع في السوق العراقي
1. الذهب العراقي
مشهور بالجودة العالية والشغل اليدوي
عياره غالباا 21
مناسب للزينة لكن مش الأفضل للاستثمار بسبب ارتفاع المصنعية
لو اشتريته كاستثمار، هتخسر جزء كبير عند البيع
2. الذهب التركي
شكله جذاب ومصنع بشكل عصري
بيتراوح بين عيار 14 و22
مصنعيته عالية جدا، وده بيقلل المكسب عند البيع
غير مناسب للاستثمار الخالص
3. الذهب الخليجي
جودة ممتازة وعيار 21 و22
مصنعيته أقل من التركي، لكن أغلى من العراقي أحيانا
ممكن يكون خيار وسط
4. الذهب الإيطالي
أغلبه عيار 18
معمول للزينة، مش للاستثمار
مصنعيته عالية جدا، فبيخسر كتير لما تبيعه
5. الذهب السويسري (سبائك)
أنقى نوع ذهب، عياره 24
مفهوش مصنعية أو تشكيل
افضل اختيار للاستثمار
سهل التخزين، وسعره قريب جدا من السعر العالمي
تانيا: إيه أفضل نوع أشتريه في 2025 لو هدفي استثمار؟
السبائك الذهبية
عيار 24
من غير مصنعية أو خسارة وقت البيع
اسعارها مربوطة مباشرة بالسوق العالمي
مناسبة للناس اللي عايزة تحوش أو تستثمر على المدى الطويل
الليرات الذهب
زي الليرة الرشادية أو الإنجليزية
وزنها معروف (7.5 غرام تقريبًا)
مصنعية بسيطة وسهل بيعها في أي وقت
مقبولة في كل مكان
الذهب المشغول (خواتم، غوايش…)
مناسب للزينة بس، مش للاستثمار
بتدفع فيه مصنعية كبيرة، وتخسرها وقت البيع
سعره بعيد عن السعر الحقيقي للذهب
إزاي تختار الأفضل حسب ميزانيتك؟
لو معاك مبلغ كبير وعايز استثمار طويل المدى: سبائك
لو معاك مبلغ متوسط وعايز حاجة صغيرة وسهلة البيع: ليرات
لو عايز تشتري للزينة وتحتفظ بالقيمة على قد ما تقدر: ذهب عراقي بمصنعية قليلة
نصائح مهمة قبل ما تشتري
اشتري من تاجر موثوق ومعروف في منطقتك
اطلب فاتورة مختومة فيها الوزن والسعر
اتأكد من العيار والختم
قارن الأسعار في أكتر من مكان
تابع سعر الذهب يوميًا قبل ما تشتري
هل الوقت مناسب للشراء في 2025؟
في بداية السنة، الأسعار مرتفعة شوية، لكن حسب التوقعات ممكن ترتفع أكتر خلال النصف التاني من السنة, فلو ناوي تستثمر، الأفضل تشتري على دفعات, تابع السوق وشوف إمتى يحصل هدوء نسبي في السعر واغتنم الفرصة.
أفضل أنواع الذهب للاستثمار في العراق سنة 2025 هي السبائك الذهبية والليرات، لأنهم أقرب للسعر العالمي ومفيش فيهم مصنعية كبيرة, ابعد عن المشغولات لو هدفك الاستثمار، واشتري من مصادر موثوقة, وخد بالك إن متابعة السوق هي مفتاح أي استثمار ناجح.
